पल शाहको ‘जोनी जेन्टलम्यान’प्रदर्शन मिति सहित पोष्टर सार्वजनिक।

काठमाडौ, २०७४ श्रावण २५ बुधबार । अभिनेता पल शाह अभिनित चलचित्र ‘जोनी जेन्टलम्यान’ भदौ ३० गतेबाट रिलिज हुदैछ । गत जेठ १९ गते प्रदर्शन गर्ने भनिएतापनि पछि यो प्रेम र एक्सनले भरिएको चलचित्रको रिलिज मिति भदौ ३० लाई सारिएको थियो ।

चलचित्र निर्माणपक्षले नयाँ प्रदर्शन मिति सहितको पोष्टर सार्वजनिक गर्दै प्रचारको सुरुवात गरेको छ । नया पोष्टरमा चलचित्रका मुख्य नायक पल शाह र नायिका आचल शर्मा स्याड मुडमा देखिएका छन् । यो पोष्टरलाई टौवा क्रियसनले तयार पारेको हो ।
यो बर्ष पलले एउटा हिट चलचित्र दिइसकेका छन् । चलचित्र ‘म यस्तो गीत गाउछु’ समिक्षात्क रुपामा राम्रो प्रसंसा पाउदै व्यावसायिक रुपमापनि हिट भयो ।
म्युजिक भिडियोमा आफुलाई अब्बल ठहराइ सकेका चर्चित म्युजिक भिडियो निर्देशक नितिन चन्दको डेब्यु निर्देशनमा बनेको चलचित्र ‘जोनी जेन्टलेम्यान’ प्रदर्शनका लागि करिब १ महिना मात्र बाँकी रहेकाले निर्माणपक्षले राम्रै मिहिनेत गर्नुपर्ने देखिन्छ ।
‘म यस्तो गीत गाउछु’ हिट भैसकेकाले पनि पलको क्रेजले ‘जोनी जेन्टलम्यान’लाई फाइदा गर्ने बुझाइ यसको निर्माणपक्षको छ । चलचित्रलाई एनड्रिउ पौडेलले निर्माण गरेका हुन्। मायाको खेल को भिडियो हेर्न तलको लिन्क खोल्नुहोस्।